türkiye chingduda konsulxana achti
türkiye xitayning gherbiy jenubidiki sichüen ölkisining chingdu shehiride konsulxana achti.
türkiye awazi radiyosi xewiri: konsulxanining échilish munasiwiti bilenchingdu shehiridiki shangri la méhmanxanisida türk we xitay emeldarlarning ishtirak qilishi bilen murasim ötküzülüp ziyapet bérildi.
türkiyening béyjingda turushluq bash elchisi ismail haqqi musa murasimda qilghan sözide, chingduda échilghan konsulxanining béyjingdiki elchixanisi, shangxey, xongkong, we guangjudiki konsulxanilardin kéyin barliqqa kelgen türkiyening xitaydiki beshinchi diplomatik orni ikenlikini éytti.
u, konsulxanining xitayning ottura we gherbidiki shichüen ölkisining sirtidiki chungching bilen téximu jenubidiki guyju ölksini öz ichige alidighan keng rayongha mulazimet qilidighanliqini qeyt qildi.
türkiyening béyjingda turushluq bash elchisi musa, chingdudiki konsulxanining échilishining ikki döletning özara munasiwetni kücheytish yolidiki etrapliq we uzun muddetlik tonushini eks ettürüp béridighanliqini tekitlidi.
