türkiye xelqi bügün jumhur reislik saylimining ikkinchi aylanmisi üchün awaz tashlaydu
türkiyening siyasiy tarixida tunji qétim körülgen ikkinchi aylanma jumhur reislik saylimigha bélet tashlash ishliri, türkiye miqyasida etigen ssaet 08:00 de bashlinip, 17:00 giche dawamlishidu.
türkiye awazi radyosi xewiri: türkiyening besh yil wezipe öteydighan jumhur reislik saylimining 14 – maydiki birinchi aylanmisida, eng köp awazgha érishken jumhur ittipaqi namzati rejep tayyip erdoghan bilen millet ittipaqining namzati kemal qilichdaroghlu riqabetlishidu.
chet eldiki saylam tizimlikige tizimlatqan texminen 3 milyon 500 ming saylighuchi üchün 73 dölettiki 151 elchixana-konsulxanilarda 167 nuqtida saylam sanduqi tesis qilindi.
chet ellerdiki elchixana-konsulxanilarda awaz tashlash ishliri 24-mayda axirlashti. chet ellerde tashlanghan awazlar ayropilan we diplomatik téz yollanma arqiliq türkiyege élip kélindi.
paytext enqerediki wilayetlik saylam komitétida saqliniwatqan awazlar, bügün (28-may) memliket miqyasidiki awaz tashlash ishliri tamamlanghandin kéyin, bashqa awazlar bilen birla waqitta échilidu we sanilidu.
turushluq dölette belgilengen waqit ichide awaz tashliyalmighanlarning tamozhna éghizlirida bélet tashlishi bügün saet 17.00 giche dawamlishidu.
