җумһур рәис намзатлириниң һечбири йетәрлик авазға еришәлмиди
түнүгүн (14-май) өткүзүлгән җумһур рәислик вә 28-нөвәтлик парламент әзалири сайлимида, җумһур рәислик намзатлири һечбири йетәрлик авазға еришәлмигәнлики үчүн, иккинчи айланма сайлам өткүзүлиду.
түркийә авази радийоси хәвири: алий сайлам кеңишиниң башлиқи әһмәт йәнәр җумһур рәислик сайлимида намзатларниң йетәрлик авазға еришәлмигәнликини, 28-май (йәкшәнбә) иккинчи айланма җумһур рәислик сайлимини өткүзүшниң қарар қилинғанлиқини билдүрди.
у дөләт ичидә сайлам сандуқлириниң %100 толуқ ечилғанлиқини, дөләт ичи сайламға қатнишиш нисбитиниң %88.92 кә, чәт әлләрдики түркийә пуқралириниң сайламға қатнишиш нисбитиниң %52.69 кә йәткәнликини қәйт қилди.
у рәсмий болмиған нәтиҗиләргә көрә, рәҗәп таййип әрдоғанниң %49.51, кәмал қиличдароғлуниң %44.88, синан оғанниң %5.17, муһәррәм инҗәниң %0.44 авазға еришкәнликини әскәртти.
рәсмий болмиған дәсләпки нәтиҗиләргә асасланғанда, парламент әзалири үчүн ташланған авазларниң %99.86 ниң тарқилиши төвәндикичә:
җумһур иттипақи %49.46
адаләт вә тәрәққийат партийәси %35.58
миллийәтчи һәрикәт партийәси %10.07
милләт иттипақи %35.02
җумһурийәт хәлқ партийәси %25.33
ийи (йахши) партийә %9.69
مۇناسىۋەتلىك خەۋەرلەر
әрдоған пашинйан билән телефонлашти
җумһур рәис рәҗәп таййип әрдоған әрменийә баш министири никол пашинйан билән телефонлашти.
түркийә әзәрбәйҗанниң келәчики үчүн һәмнәпәс болмақта
түркийә дост вә қериндаш дөләт әзәрбәйҗанниңму келәчики үчүн һәмнәпәс болмақта.