америкада түркийәдики сайлам үчүн беләт ташлаш башланди
түркийәдә 14 – май күни өткүзүлидиған җумһур рәислик сайлими вә 28 – нөвәтлик парламент әзалири сайлими үчүн америка қошма иштатлиридики охшимиған 9 нуқтида беләт ташлаш башланди.
түркийә авази радийоси хәвири: игилинишичә, сайлиғучилар 29-апрелдин 7-майғичә түркийәниң вашингитон әлчиханисида, шундақла нйу йорк, бостон, чикаго, лос анжелес, миами вә хйустон консулханилирида әтигән саәт 09:00 дин чүштин кейин саәт 21:00 гичә беләт ташлийалайдикән.
нйу йорк баш консулханисиниң вәзипә иҗра қилиш районида түркөйидин сирт йәнә, нийу җерсий вә лоң арилида 29 – апрелдин 1 – майғичә әтигән саәт 09:00 дин чүштин кейин саәт 18:00 гичә болған арилиқта аваз бериш үчүн қошумчә беләт ташлаш понкитлири қурулидикән.
җумһур рәислик сайлими иккинчи басқучқа қалған тәқдирдә, сайлиғучилар 28 – май йәкшәнбә күни өткүзүлидиған иккинчи басқучлуқ сайлам үчүн алдин бекитилгән вакаләтханиларда 20 – майдин 24 – майғичә болған арилиқта беләт ташлийалайдикән.
америка қошма иштатлири миқйасида 134 миң 246 сайлиғучи бар икән.
مۇناسىۋەتلىك خەۋەرلەر
түркийә террорчиларға зәрбә беришни давамлаштурмақта
түркийә террорлуққа қарши туруш күришини қәтий ирадә билән үзлүксиз давамлаштурмақта.