washingitonda türkler erméniye guruppilirigha naraziliq bildürdi

türkiye awazi radiyosi xewiri: amérika qoshma ishtatlirining paytexti washingtonda bir yerge jem bolghan nurghun türkiye puqraliri 1915-yildiki weqeler sewebidin türkiyening washington elchixanisi we elchixana binasining aldida namayish ötküzgen erméniye guruppilirigha naraziliq bildürdi.

her yili 24 – aprél küni 1915-yildiki weqelerning xatire künide, amérika qoshma ishtatliridiki erméniye guruppiliri türkiye wakaletxanilirining aldida qutratquluq yürüshliri we namayishlarni ötküzidu.

erméniye guruppiliri enenilirini bu yilmu buzmidi.

namayishchi guruppilar amérika qoshma ishtatlirining paytexti washingitondiki türkiye elchixanisi we elchixana binasidin sirt yene ezerbeyjan elchixanisi aldidimu namayish ötküzüp, türkiye we ezerbeyjangha qarshi shoarlarni towlidi.

türkiye puqralirimu türkiyening washingiton elchixanisi we elchixana binasining aldida yighilip, erméniye guruppilirigha naraziliq bildürdi.

türkler türkiye we ezerbeyjan bayraqlirini lepildetken, marshlarni yangratqan we shoarlarni towlighan halda erméniye guruppilirigha naraziliq bildürdi.