чавушоғлу: судандики тәрәпләр билән көрүштуқ

түркийә авази радийоси хәвири: мәвлут чавушоғлу анталйаниң манавгат наһийәсидә бәргән байанатида, судандики армийә билән тез йардәм бериш күчлири оттурисидики тоқунушлар һәққидә тохталғанда, «һәр икки тәрәп бизниң қериндишимиз болиду, ундақта немишқа бир тәрәпнила қоллиғудәкмиз?» деди.

ташқи ишлар министири мәвлут чавушоғлу судандики тоқунушни тохтитиш үчүн һәр икки тәрәп билән көрүшкәнликлирини, бүгүн уруш тохтитиш еһтималлиқиниң барлиқини байан қилди.

райондики түркийә пуқралирини өзлири туруватқан җайда таки уруш тохтиғанға қәдәр турушини, йемәк - ичмәк қатарлиқ еһтийаҗлири болса түркийә әлчиханисиға мәлум қилишини тәләп қилди.

чавушоғлу һава саһәси ечилғандин кейин қайтишни халайдиған түркийә пуқралирини елип келидиғанлиқлирини қәйт қилди.

министир чавушоғлу йавропа дөләтлирини өз ичигә алған нурғун дөләтләрниң пуқралирини судандин елип кетиш үчүн түркийәдин йардәм сориғанлиқини, чүнки түркийәниң ишәнчлик дөләт икәнликини тәкитлиди.

у дунйада күч риқабәтлириниң оттуриға чиқиватқанлиқини, йавропа иттипақиниң нишанидин адашқанлиқини, бирләшкән дөләтләр тәшкилатиниң йетәрлик әмәсликини тәкитлиди, һәмдә бундақ дәврдә түркийә қатарлиқ муһим дөләтләргә еһтийаҗ барлиқини байан қилди.