дөнмәз: қарадеңизниң тәбиий газини қуруқлуққа чиқиримиз
енергийә вә тәбиий байлиқлар министири фатиһ дөнмәз рамзанниң ахирқи күни филйоста қарадеңизниң тәбиий газини қуруқлуққа чиқиридиғанлиқлирини ейтти.
түркийә авази радийоси хәвири: енергийә вә тәбиий байлиқлар министири фатиһ дөнмәз түнүгүн хизмәтләрни көздин кәчүрүш үчүн йетип барған әскәндәрун портида бәргән байанатида, тамамлиниш алдида туруватқан мислисиз лайиһәләрни ишқа кириштүрүш үчүн тәййарлиқ хизмәтлирини ишләватқанлиқлирини тәкитләп мундақ деди: «худа халиса, рамзанниң ахирқи күни филйоста қарадеңизниң тәбиий газини қуруқлуққа чиқиримиз. буниң үчүн тәййарлиқ қиливатимиз. буниңдин башқа йәнә, 27 – апрел күни йеңи йадро йеқилғусини мәрсиндики аққуйу йадро електир истансисиға елип келимиз. һазирдин башлап бу җай йадро муәссәсәсигә айлиниду. буниң үчүн тәййарлиқ хизмити ишләватимиз.»
«әслидә сарос үчүн FSRU парахоти йетип кәлди, әмма йәр тәврәш вә башқа күнтәртипләрниң көплүкидин бу хизмәтни ишқа кириштүрәлмигән идуқ. буниңдин башқа йәнә, йавропадики әң чоң қуйаш енергийәлик електир истансиси лайиһәсини тамамлидуқ. худа халиса, әң қисқа вақит ичидә конйа вилайитиниң қарапинар районида бу лайиһәни ишқа кириштүримиз.»
مۇناسىۋەتلىك خەۋەرلەر
түркийә террорчиларға зәрбә беришни давамлаштурмақта
түркийә террорлуққа қарши туруш күришини қәтий ирадә билән үзлүксиз давамлаштурмақта.
