әрдоған чанаққәлә деңиз зәпириниң хатирә йили мунасивити билән телеграмма тарқатти

түркийә авази радийоси хәвири: җумһур рәис әрдоған 18-март шеһитиләр байрими вә чанаққәлә ғәлибисиниң 108 йиллиқи мунасивити билән телеграмма тарқатти.

телеграммисда: «буниңдин 108 йил илгири җаһангирларға қарши анадолудики түрк мәвҗутлуқини муһапизәт қилиш вә миң йиллиқ түрк тупрақлирини қоғдаш үчүн күрүш қилип, хәлқимизни чанаққәлә ғәлибисигә ериштүргән барлиқ қәһриманлиримизни вә әзиз шеһитлиримизни һөрмәт билән йад етимиз» дегән әрдоған, чанаққәлә ғәлибисиниң түрк хәлқи мустәқиллиқидин қәтий ваз кәчмәйдиғанлиқини йәнә бир қетим дунйаға җакарлиған улуғ вә тарихий дастан икәнликини тәкитлиди.

әрдоған телеграммисида йәнә мунуларни қәйт қилди:

«анадолуниң һәр қайси җайлиридин чанаққәләгә келип пүтүн дунйаға күрүш омумйүзлүк күрәш қилған әҗдадлиримиз, хәлқимизниң қийин күнләрдә қандақ бирликтә болалайдиғанлиқини намайан қилип, дүшмәнниң шеһитләрниң қанлири билән соғурулған тупрақлиримизға айағ бесишиға йол қоймиди. бүгүн бизму дөлитимиз вә хәлқимиз үчүн чанаққәлә ғәлибисидә намайан қилинған роһ вә ирадә билән хизмәт қиливатимиз؛ һәр хил қийинчилиқларни бирлик вә баравәрлик ичидә йеңәләйдиғанлиқимизға болған ишәнч билән күришимизни давамлаштуруватимиз.

биз улуғ қәһриманлиқ вә җасарәт билән йезилған шанлиқ тарихимизни қоғдап, чанаққәлә роһини җанлиқ һаләттә сақлап қелиштин һәргиз ваз кәчмәймиз. бизгә бу вәтәнни аманәт қалдуруп кәткән шеһитлиримизгә, ғазилиримизға миннәтдарлиқ билдүрүштин ибарәт бурчимизни ада килиш, вәтинимиз вә байриқимизни һәр қандақ шараитта қоғдаш үчүн, түнүгүнкигә охшаш бүгүн вә әтиму бир дәмму тохтап қалмаймиз. бу пикирләр билән мән чанаққәлә ғәлибисиниң 108 йиллиқини тәбрикләймән, 18-март шеһитләр байримида, бу земинларни бизгә аманәт қалдуруп кәткән барлиқ шеһитлиримизни, ғази мустапа камални өз ичигә алған барлиқ қәһриманлиримизни миннәтдарлиқ билән хатириләймән. уларниң роһи шад, маканлири җәннәт болсун».