togg üchün zakas qilish qoyuq shekilde bashlandi
türkiyening aldin zakas qilish xizmiti bashlanghan tunji tokluq eqliy iqtidarliq aptomobili togg «Togg T10X» ni deslepki töt saet ichide 7 ming 734 kishi aldin zakas qildi.
türkiye awazi radiyosi xewiri: toggning ammiwi ortaqlishish tor béti Twitter sehipiside bu heqte élan qilinghan bayanatida mundaq déyildi: «aldin zakas qilish xizmiti jeryanidiki deslepki töt saet ichide, 7 ming 734 xéridarimiz türkiyening tunji tokluq eqliy iqtidarliq aptomobili togg <Togg T10X> ni aldin zakas qildi. bu xizmet 27-martqiche dawamlishidu. bizge ishengenlikinglar üchün rehmet. bu hemmimizning ortaq iptixari.»
igilinishiche, 2023-yilning axirlirighiche xéridarlar bilen yüz körüshidighan 12 ming togg «Togg T10X» üchün aldin zakas qilghuchilar éniqlap chiqilidighan chek tartish jeryani 3-ayning 27-künigiche dawamlishidiken.
bu jeryanda Trumore pirogrammisi yaki togg tor békiti arqiliq Tru.ID qurghan herbir yekke xéridar hawale qilish yaki inawetlik karta arqiliq Trumore e-hésabatigha 60 ming lira yollighandin kéyin, chek tartish arqiliq «Togg T10X» ni aldin zakas qilish hoquqigha érisheleydiken.
aldin zakas qilish jeryani axirlashqandin kéyin, torda chek tartish paaliyiti 3-ayning 28-küni bir guwahchiliq ornining huzurida ötküzülidiken.
مۇناسىۋەتلىك خەۋەرلەر
türkiye térrorchilargha zerbe bérishni dawamlashturmaqta
türkiye térrorluqqa qarshi turush kürishini qetiy irade bilen üzlüksiz dawamlashturmaqta.
