مالاتيادا 5.6 بال يەر تەۋرىدى

تۈركىيە ئاۋازى رادىيوسى خەۋىرى: تۈركىيە جىددىي ئەھۋاللارغا تاقابىل تۇرۇش قوماندانلىق مەركىزىنىڭ رەئىسى يۈسۈف سەزەر مالاتيادا ئەنقەرە ۋاقتى سائەت 12 دىن 4 مىنۇت ئۆتكەندە 5.6 بال يەر تەۋرەش ئاپىتى يۈز بەرگەنلىكىنى ئۇقتۇردى.

ئۇ يەر تەۋرەش ئاپىتىدە بىر كىشىنىڭ جېنىدىن ئايرىلغانلىقىنى، 69 كىشىنىڭ يارىلانغانلىقىنى قەيت قىلدى.

ئىگىلىنىشىچە، قوشنا ۋىلايەتلەرگىمۇ تەسىر كۆرسەتكەن يەر تەۋرەش يەردىن 6.96 كىلومېتىر چوڭقۇرلۇقتا يۈز بەرگەن.