gérmaniye tashqi ishlar ministiri bilen ichki ishlar ministiri pazarjék nahiyesini ziyaret qildi

türkiye awazi radiyosi xewiri:  gérmaniye tashqi ishlar ministiri annaléna bayérbok bilen ichki ishlar ministiri nensi féyza «bu esirdiki eng chong balayiapet» dep atalghan, 6-féwral yüz bergen yer tewresh apitining merkizi qahramanmarashning pazarjék nahiyesini ziyaret qildi.

gérmaniye tashqi ishlar ministiri annaléna bayérbok we ichki ishlar ministiri nensi féyza apet rayonida gérmaniyelik pidaiy doxturlarning tébbiy mulazimet chédirini kördi. arqidin nahiye merkizidiki xarabiliklerni aylandi.

bayérbok muxbirlarning soallirigha jawab bergende: «bu apetning éghirliqini ipadilishte til ajizliq qilidu» dédi we xelqara yardemning qanchilik muhim ikenlikini tonup yetkenliklirini qeyt qildi.

u gérmaniye hökümitining yene, chédir, tébbiy malzimiler, yémek-ichmek, ediyal we générator üchün 50 milyon yawro yardem qilidighanliqini bildürüp, gérmaniyening apetke uchrighanlargha qilinidighan yardemni 108 milyon yawrogha chiqiridighanliqini eskertti.

u gérmaniyede uruq-tughqanliri we yéqinliri barlar üchün wiza resmiyetlirini asanlashturghanliqlirini, apet rayonlirida birdin «wiza aptobusi» ning barliqini bildürdi.

ichki ishlar ministiri nensi féyza özlirining apetke uchrighanlar bilen körüshüsh üchün kelgenliklirini, bu yerde ghem-qayghurlarni emes, belki yardemlerning yaxshi shekilde yetküzülgenlikini körgenliklirini éytti.