تۈركىيەدىكى يەر تەۋرەشلەردە قازا قىلغانلارنىڭ سانى  4 مىڭدىن ئاشتى

تۈركىيە ئاۋازى رادىيوسى خەۋىرى: تەبىئىي ئاپەت ۋە جىددىي ئىشلارغا تاقابىل تۇرۇش ئىدارىسى يەر تەۋرەشلەردە 4 مىڭ 544 كىشىنىڭ جېنىدىن ئايرىلغانلىقىنى، 26 مىڭ 721 كىشىنىڭ يارىلانغانلىقىنى، 5 مىڭ 775 بىنانىڭ ئۆرۈلۈپ چۈشكەنلىكىنى ئېلان قىلدى.

ئاپەت رايونلىرىدا ئىزدەش-قۇتقۇزۇش خىزمەتلىرىنىڭ داۋاملىشىۋاتقانلىقى قەيت قىلىندى.

تۈركىيە قىزىلئاي جەمئىيىتى ئاپەت رايونلىرىغا دەسلەپكى قەدەمدە ئەۋەتكەن 10 مىڭ كىشىلىك چېدىرلارنىڭ قۇرۇلۇشقا باشلىغانلىقىنى بىلدۈردى.

ئاپەت رايونلىرىدا ۋەزىپە ئۆتەۋاتقان ئىزدەش-قۇتقۇزۇش خادىملىرى سانىنىڭ 25 مىڭ 693 كە، ھەر خىل ئاپتوموبىل سانىنىڭ 360 قا، ھەر خىل قۇرۇلۇش ماشىنىلىرى ساننىڭ 3 مىڭ 361 گە يەتكۈزۈلگەنلىكى قەيت قىلىندى.