قان تەقدىم قىلش نۇقتىلىرىدا ئۇزۇن ئۆچرەتلەر ھاسىل بولدى

تۈركىيە ئاۋازى رادىيوسى خەۋىرى: تۈركىيە قىزىلئاي جەمئىيىتىنىڭ ئەنقەرە بىلكەنت شەھەر دوختۇرخانىسىدىكى قان تەقدىم قىلىش نۇقتىسىغا كەلگەن كىشىلەر، ئۇزۇن ئۆچرەت ھاسىل قىلدى.

ئىستانبۇلدىمۇ نۇرغۇن كىشىلەر يەر تەۋرەشتىن كېيىن كۆرۈلۈش ئېھتىمالى بولغان قان ئېھتىياجىنى قاندۇرۇش ئۈچۈن باشلانغان قان تەقدىم قىلىش سەپەرۋەرلىكىگە قاتناشتى.

ئەدىرنەدە كىشىلەر قىزىلئاي جەمئىيىتىنىڭ ئۈچ ئايرىم نۇقتىسىدا قان تەقدىم قىلدى. تۈنۈگۈندىن بۈگۈنگىچە (6-7-فېۋرال) 500 بىرلىك قان تەقدىم قىلىندى.

كىرىكلارەلىدە قىزىلئاي جەمئىيتى ئىككى نۇقتىدا قان تەقدىمىنى قوبۇل قىلىۋاتقان بولۇپ، پات-پات ئۇزۇن ئۆچرەتلەر ھاسىل بولدى.

تەكىرتاغدا قىزىلئاي جەمئىيىتىنىڭ تۆت ئايرىم نۇقتىسىدا قان قوبۇل قىلىنماقتا.

چاناققەلئەدە جۇمھۇرىيەت مەيدانىدا قۇرۇلغان قان تەقدىم قىلىش نۇقتىسىدا، نۇرغۇن كىشىلەر قان بېرىش ئۈچۈن ئىلتىماس جەدۋەللىرىنى توشقۇزدى.

ۋاندا كىشىلەر ئاپەت رايونىدىكى قان ئېھتىياجىنىڭ قاندۇرۇلۇشىغا ھەسسىسىنى قوشۇش ئۈچۈن بەس-بەستە ئۇزۇن ئۆچرەتلەرگە كىردى.