түркийә терроризмға қарши күришини дөләт ичи - сиртида қәтийлик билән давамлаштурмақта

түркийә авази радийоси хәвири: әлбаб мәһәллий бихәтәрлик күчлири ғазиантәп вилайәтлик жандарма қоманданлиқиниң сүрийәдә вәзипә өтәш қисимлириниң йардими билән наһийәдики даешчиларға зәрбә бериш һәрикити елип берип, тәшкилатниң аталмиш йуқири дәриҗилик рәһбәрлиридин бирини өз ичигә 16 кишини қолға чүшүрди؛ улардин 15 киши тутқун қилинди.

зәрбә бериш һәрикити җәрйанида төт милтиқ, 85 пай оқ вә көп миқдарда рәқәмлик материйал қолға чүшүрүлди.

йәнә бир тәрәптин, түркийә җумһурийити ички ишлар министирлиқи ванда «25 – қетимлиқ әрән муһасирә күз – қиш зәрбә бериш һәрикити» ниң башланғанлиқини уқтурди.

министирлиқниң бу һәқтики байанатида, бөлгүнчи террорлуқ тәшкилати — п к к ни дөләтниң күнтәртипидин чиқирип ташлаш вә районға йошурунувалғанлиқи тәхмин қилиниватқан террорчиларни бир тәрәп қилиш мәқситидә ванда башланған зәрбә бериш һәрикитигә 480 хәвпсизлик хадиминиң иштирак қиливатқанлиқини әскәртти.

 байанатта, дөләт ичидики террорчиларни пүтүнләй йоқитип ташлашни нишан қилған «әрән муһасирә күз – қиш зәрбә бериш һәрикәтлири» ниң хәлқниң қоллиши астида қәтийлик билән ғәлибилик давамлишиватқанлиқи тәкитләнди.