түркийә - шиветсийә - финландийә үч тәрәп йиғини кечиктүрүлди

түркийә авази радийоси хәвири: бөлгүнчи террорлуқ тәшкилати — п к к тәрәпдарлири шиветсийәдә җумһур рәис рәҗәп таййип әрдоғанға қарши қутритиш характерлик паалийәтләрни елип барған 21 – йанвар(2023), пайтәхт стокһолмдики түркийә әлчиханиси алдида қуран кәримни көйдүрүш қилмиши садир қилинған болуп, түркийә җумһурийити ташқи ишлар министирлиқи бу қәбиһ қилмишларға қаттиқ наразилиқ билдүрүп, вәқәниң җавабкарлириниң мәсулийитини сүрүштә қилишни тәләп қилғаниди.

дипломатик мәнбәләрдин игиләнгән учурларға қариғанда, йуқириқи өзгиришләр нәзәрдә тутулуп, феврал ейида өткүзүлүши пиланиливатқан үч тәрәп механизм йиғини кечиктүрүлгән.

түркийә 28-ийун (2022) испанийәниң пайтәхти мадридта өткүзүлгән нато башлиқлар йиғини җәрйанида, натоға әзалиқ илтимаси сунған финландийә билән шиветсийәниң тәләплирини рәт қилип, террорлуқ тәшкилатлирини очуқ-ашкара қоллайдиған мәзкур икки дөләт билән террорчиларға йантайақ болмаслиқ тоғрисида келишим имзалиғаниди؛ әнқәрә, нөвәттә келишимдә вәдә қилинған қәдәмләрниң ташлинишини күтмәктә.