6 – nöwetlik «t r t dunya munbiri kéngishi» yighini istanbulda ötküzülidu

türkiye awazi radiyosi xewiri: türkiye radiyo-téléwiziye idarisi (t r t) ning bayanatida, «<t r t dunya munbiri kéngishi> kowid-19 yuqumi sewebidin 2020 - we 2021 - yilliri torda ötküzülgen bolup, bu yil istanbulda dunyaning herqaysi jayliridin muhim shexislerning qatnishi bilen yüzturane ötküzilidu» déyildi.

bu yil 34 dölettin kelgen 100 ge yéqin nutuq sözligüchining qatnishishi bilen 6 - nöwetliki ötküzülidighan «t r t dunya munbiri kéngishi», dunyaning her qaysi jayliridin kelgen rehberler, mutexessisler, akadémiklar we meshhur shexslerni uchrashturup, dunyawi mesililerni muzakire qilish we hel qilish charisi bilen teminleshni meqset qilidu.

munberde énérgiyedin yer shari köchmenler kirizisighiche, yémeklik bixeterlikidin islam düshmenlikigiche bolghan nurghun mesililer ochuq yighin we yumilaq üstel yighinida muzakire qilinidu.

«kelgüsini shekillendürüsh: éniqsizliqlar, réalliqlar we pursetler» témisidiki kéngesh yighini 9 – we 10 - dékabir künliri ötküzülidu.

jumhur reis rejep tayyip erdoghanning munberge qatniship nutuq sözlishi mölcherlenmekte.

«2022 – yilliq t r t dunya munbiri kéngishi» ge «www.trtworldforum.com»  adrisi arqiliq tizimlatsanglar bolidu.