mewlut chawushoghlu ete marakeshte ziyarette bolidu
tashqi ishlar ministiri mewlut chawushoghlu ete marakeshte ötküzülidighan b d t medeniyet ittipaqi teshebbusining 9 - nöwetlik yer shari munbiri yighinigha qatnishidu.
türkiye awazi radiyosi xewiri: tashqi ishlar ministirliqining yazma bayanatida, «hörmetlik ministirimiz 2022 - yili 22 - noyabirdin 23 - noyabirghiche marakeshning fes shehiride ötküzülidighan b d t medeniyet ittipaqi teshebbusining 9 - nöwetlik yer shari munbiri yighinigha qatnishidu. munberde türkiyening 2005 – yilidin buyan ispaniye bilen birlikte teng derijilik riyasetchilikini qiliwatqan medeniyet ittipaqining paaliyet dairisige kiridighan yéngi témilarning muzakire qilinishi mölcherlenmekte» déyildi.
bayanatta yene, munber yighini munasiwiti bilen irqiy ayrimichiliq, chet elliklerge öchmenlik qilish we islamgha düshmenlik qilish qatarliq dunyawi tehditlerge qarshi xelqara jemiyetning tashlishi kéreklik konkrét qedemlerningmu muzakire qilinidighanliqi hemde tashqi ishlar ministirining ziyariti jeryanida ikki tereplik uchrishishlarningmu ötküzülidighanliqi bildürüldi.
مۇناسىۋەتلىك خەۋەرلەر
iraqning shimalida térrorchilargha zerbe bérildi
iraqning shimalida bölgünchi térrorluq teshkilati — p k k ezasi üch térrorchi bir terep qilindi.