истанбулдики бомба һуҗумини қилғучи назарәткә елинди
истанбулниң бәйоғлу районидики таксим истиқлал кочисида йүз бәргән бомба һуҗумида 6 киши қаза қилип, 81 киши йариланди.
түркийә авази радийоси хәвири: муавин җумһур рәис фуат октай райондики тәкшүрүштин кейин байанат елан қилип, партлашта 6 кишиниң җенидин айрилғанлиқини, 81 кишиниң йариланғанлиқини вә йаридарлардин 2 нәпириниң еғир икәнликини елан қилди.
һуҗум йүз бәргән районда кечидә тәкшүрүш елип барған ички ишлар министири сүлайман сойлу бу һуҗумни қилғучиниң бөлгүнчи террорлуқ тәшкилати п к к/й п г әзаси икәнликини байан қилди.
сүлайман сойлу: «бомбини орунлаштурған киши истанбул сақчи идариси әтрити тәрипидин назарәткә елинди. буниңдин илгириму тәхминән 21 киши назарәткә елинған иди» деди.
истанбул валийси әли йәрликайа вәқәдә йариланған 50 кишиниң давалиниши тамамлинип балнестттин чиққанлиқини вә 31 кишиниң давалиниватқанлиқини елан қилди.
مۇناسىۋەتلىك خەۋەرلەر
гиретсийә баш министири кирийакос митсотакис әтә түркийәгә йетип келиду
җумһур рәис рәҗәп таййип әрдоған пайтәхт әнқәрәдә митсотакисниң зийаритини қобул қилиду.
