ئىستانبۇلدىكى بومبا ھۇجۇمىنى قىلغۇچى نازارەتكە ئېلىندى

تۈركىيە ئاۋازى رادىيوسى خەۋىرى: مۇئاۋىن جۇمھۇر رەئىس فۇئات ئوكتاي رايوندىكى تەكشۈرۈشتىن كېيىن بايانات ئېلان قىلىپ، پارتلاشتا 6 كىشىنىڭ جېنىدىن ئايرىلغانلىقىنى، 81 كىشىنىڭ يارىلانغانلىقىنى ۋە يارىدارلاردىن 2 نەپىرىنىڭ ئېغىر ئىكەنلىكىنى ئېلان قىلدى.

ھۇجۇم يۈز بەرگەن رايوندا كېچىدە تەكشۈرۈش ئېلىپ بارغان ئىچكى ئىشلار مىنىستىرى سۈلايمان سويلۇ بۇ ھۇجۇمنى قىلغۇچىنىڭ بۆلگۈنچى تېررورلۇق تەشكىلاتى پ ك ك/ي پ گ ئەزاسى ئىكەنلىكىنى بايان قىلدى.

سۈلايمان سويلۇ: «بومبىنى ئورۇنلاشتۇرغان كىشى ئىستانبۇل ساقچى ئىدارىسى ئەترىتى تەرىپىدىن نازارەتكە ئېلىندى. بۇنىڭدىن ئىلگىرىمۇ تەخمىنەن 21 كىشى نازارەتكە ئېلىنغان ئىدى» دېدى.

ئىستانبۇل ۋالىيسى ئەلى يەرلىكايا ۋەقەدە يارىلانغان 50 كىشىنىڭ داۋالىنىشى تاماملىنىپ بالنېستتتىن چىققانلىقىنى ۋە 31 كىشىنىڭ داۋالىنىۋاتقانلىقىنى ئېلان قىلدى.