erdoghan émbalo bilen téléfonlashti

türkiye awazi radiyosi xewiri: jumhur reis rejep tayyip erdoghan giwiniye pirézidénti bissaw umaro siskoko émbalo bilen téléfonliship, türkiye-giwiniye-bissaw munasiwitini yaxshilash qedemliri we rayongha alaqidar mesililer toghrisida sözleshti.

jumhur reis erdoghan bilen giwiniye pirézidénti émbalo, herbiy we mudapie sanaiti hemde soda we iqtisadiy munasiwetler sahesidiki hemkarliqni tereqqiy qildurush toghrisida birdeklik hasil qildi.

jumhur reis erdoghan söhbet jeryanida, türkiye maarip fondining giwiniye-bissawgha sélishni pilanlawatqan mektipi üchün yer ajritip bérilgenlikidin söyüngenlikini bildürdi.

jumhur reis erdoghan gherbiy afriqa döletliri iqtisadiy ortaq gewdisining muweqqet reislik wezipisini ötewatqan giwiniye bissaw pirézidénti émbaloning rayonning muqimliqi we tinchliqini kapaletke ige qilish yolida körsetken tirishchanliqigha yuqiri baha béridighanliqini tilgha élip ötti.