xulusi aqar rusiye mudapie ministiri sérgéy shoygu bilen körüshti

türkiye awazi radiyosi xewiri: dölet mudapie ministirliqining bayanatigha asaslanghanda, söhbette ukraina we süriye mesilisi qatarliq özara, rayon xaraktérliq, mudapie we bixeterlik mesililiri muzakire qilinghan.

ministir aqar ukraina mesiliside jumhur reis rejep tayyip erdoghan köp qétim tilgha alghan «téximu köp ölümlerning yüz bérishidin saqlinish, rayonning tinchliqi we muqimliqini qaytidin berpa qilish üchün derhal urush toxtitish élan qilish lazim» dégen tewsiyening muhimliqini tekitlidi.

söhbette urush toxtitish mesiliside ortaq tonush hasil qilinghanliqi körüldi, muweppeqiyetlik dawamlishiwatqan ashliq toshushtiki ilgirileshler muzakire qilindi.

söhbette yene, insanperwerlik yardem mesiliside her türlük qollashlarda bolushqa tirishiwatqan türkiyening hazirgha qeder qilip kéliwatqinigha oxshash rayonning tinchliqigha kapaletlik qilish üchün öz mesuliyitini ada qilishqa her daim teyyar ikenliki otturigha qoyuldi.

süriyening shimalidiki mesililerde, ministir aqar térrorluq tehditi we karidorining menggülük aldini élish shundaqla térrorluq teshkilatlirini yoqutushning eng muhim we aldinqi qatardiki ishi ikenlikini bildürdi.

xulusi aqar bu mesililerde ilgiri hasil qilinghan kélishimlerge emel qilishning muhimliqini yene bir qétim tekitlidi.