«нийу йорк вақти гезити» дә әрдоғанниң дипломатик утуқлири хәвәр қилинди

түркийә авази радийоси хәвири: нийу йорк вақти гезитиниң хәвиридә, б д т омумий кеңишидә нутуқ сөзлигән рәһбәрләр арисида һәммидин бәк диққәтләрни тартқан рәһбәрниң җумһур рәис рәҗәп таййип әрдоған билән униң фирансийәлик мәнсәпдеши еммануел макрон болғанлиқи әскәртилип, икки рәһбәрниң русийә - украина киризисини һәл қилиш үчүн көрсәткән тиришчанлиқи анализ қилинди.

хәвәрдә, әрдоған билән русийә пирезиденти владимир путинниң алдинқи һәптә өзбекистанда өткүзгән әң ахирқи учришиши үстидә тохтилип, җумһур рәис әрдоғанниң уруш җәрйанида русийәлик мәнсәпдеши билән болған қойуқ мунасивитини сақлап қелип, урушниң хәлқаралиқ тәсирини пәсәйтишкә тиришқанлиқи, алдинқи қетимқи учришишта, украинаниң земинлириниң қайтуруп берилиши керәкликини тәкитлигәнлики билдүрүлди.

җумһур рәис әрдоғанниң б д т омумий кеңишидә сөзлигән нутуқида: « урушта һечқачан ғәлибә қилғучи тәрәп болмайду,  дәп қараймиз. адил бир тинчлиқ мусаписидә болса, мәғлуб болғучи тәрәп болмайду. мувапиқ, адил вә иҗра қилишқа болидиған дипломатик җәрйан арқилиқ киризистин шәрәплик һалда чиқиш йоли тепишқа еһтийаҗлиқмиз» дегәнлики һәмдә әрдоғанниң украина ашлиқ музакирәлиридә асаслиқ рол ойниғанлиқи билдүрүлди.

хәвәрдә җумһур рәис әрдоғанниң дипломатик тиришчанлиқи вә мувәппәқийити тәрәпкә һәмминиң диққитини тартилип, макронниң болса нәччә айларғичә  путин билән алақилашқанлиқи, әмма һечқандақ мувәппәқийәткә еришәлмигәнлики әскәртилди һәмдә  макронға «тинчлиқ мәсилисидә рол ойнийалайдиғанлиқини дәва қилған ғәрб иттипақиниң байанатчиси» дәп баһа берилди.