әрдоған путин билән зеленискийни көрүштүрүш арзусини қайта тәкитлиди

түркийә авази радийоси хәвири: җумһур рәис әрдоған кабинет йиғинидин кейин байанат берип, 2-айниң 24-күни партлиған русийә-украина урушиниң пәйда қилған тәсирлири билән бирликтә давам қиливатқанлиқини, барлиқ тәрәпләрниң түркийәниң бу урушниң алдини елип, тинчлиқни қолға кәлтүрүш үчүн күч чиқарғанлиқиға шаһит болғанлиқини тәкитлиди.

«пәқәт украина ашлиқини дунйаниң һәр қайси җайлириға әвәтишниң өзила инсанийәт үчүн һалқилиқ бир иш. дөлитимиз намайан қилған бу позитсийәниң алдимиздики күнләрдә башқа саһәләрдиму өз ипадисини тепиши үчүн тиришиватимиз» дегән әрдоған, сөзини давамлаштуруп: «бизниң мәқситимиз путин билән зеленскийни түркийәдә бир йәргә җәм қилип, киризисни үзүл-кесил һәл қилиштин ибарәт» дегәнләрни қәйт қилди.