түркийә билән украина украинани қайтидин қуруш келишими имзалиди

түркийә авази радийоси хәвири: түркийә җумһур рәиси рәҗәп таййип әрдоған түнүгүн (18- авғуст) украина пирезиденти володимир зеленский билән лвив шәһиридә көрүшти.

икки рәһбәр поточки сарийидики көрүшүшидә, украинаниң уруш сәвәбидин вәйран болған астиқурулмисини қайтидин инша қилиш мәқситидә келишим имзалиди.

украинаниң уруш сәвәбидин вәйран болған астиқурулмисини қайтидин инша қилиш мәқситидә, түркийә-русийә оттурисида түзүлгән келишим, украина астиқурулма министири олександир кубраков билән түркийә сода министири мәһмәт муш тәрипидин имзаланди.

келишим рамкисида, икки дөләт оттурисида украинаниң қайтидин қурулуши үчүн «хизмәт гурупписи» тәшкил қилиниду.

хизмәт гурупписи билән, украинада йол, көврүк, су вә електр әслиһәлири, дохтурхана, мәктәп қатарлиқ иҗтимаий һәмдә иқтисадий әһмийәткә игә астиқурулмиларни қайтидин бина қилиш үчүн қилинидиған хизмәтләр маслаштурулиду.