әрдоған б д т баш катипи гутерес билән көрүшти

түркийә авази радийоси хәвири: җумһур рәис әрдоған, украина пирезиденти владимир зеленискиниң тәклипигә бинаән дөләтниң ғәрбидики лвив шәһиригә йетип барди.

24 – феврал күни русийә – украина уруши башланғандин буйан бу дөләттә тунҗи қетим зийарәттә болған җумһур рәис әрдоған, тарихий поточки сарийида зелениски билән бир йәргә җәм болди. учришиштин кейин, әрдоған, зелениски вә бирләшкән дөләтләр тәшкилати баш катипи антонйо гутерес үч тәрәплик учришиш елип барди.

учришишта, украина ашлиқини дунйа базарлириға експорт қилиш мәқситидә орнитилған миханизм паалийәтлириниң йәниму йүксәк сәвийәдә давамлаштурулуши, 24 – февралдин буйан давамлишиватқан русийә – украина урушиға дипломатик йоллар арқилиқ хатимә берилиши йолида ташлинидиған қәдәмләр вә русийәниң контроллуқидики запориҗйа йадро електир истансисида йүз бәргән һадисиләр музакирә қилиниди.

әрдоған, зелениски вә гутересниң бирләшмә ахбарат елан қилиш йиғини өткүзүши күтүлмәктә.