erdoghan: ashliq mesilisining hel qilinishi türkiyening tirishchanliqlirining mehsuli

türkiye awazi radiyosi xewiri: jumhur reis erdoghan, ministirlar kéngishi yighinidin kéyin élan qilghan bayanatida, pütkül dunyani misli körülüp baqmighan yémek - ichmek buyumliri kirizisidin qutquzidighan qedemning türkiyening tirishchanliqliri netijiside tashlanghanliqini tekitlep mundaq dédi: «ashliq kirizisining hel qilinishi yolida tashlanghan qedemning pütünley dölitimizning tirishchanliqlirining mehsuli ikenliki hemme teripidin qobul qilinmaqta. derweqe, bu heqte bügün (tünügün) qedem tashlandi we paraxotlar yolgha chiqti. istanbulda 22 – iyul küni hasil qilinghan kélishimler, rusiye – ukraina bazarliridiki kirizisning hel qilinishi jehettin tarixiy burulush nuqtisi hésablinidu. bu basquchni dawamlashturidighan birleshme maslashturush merkizi, 23-iyul küni paaliyet élip bérishqa bashlidi. ashliq qachilanghan paraxot odéssadin yolgha chiqti. bu paraxot istanbul boghuzigha yétip barghanda, rusiye, ukraina, türkiye we birleshken döletler teshkilati mutexessisliri teripidin kontrol qilinidu. biz oxshash shekildiki diplomatik paaliyetlerni énérgiyeni öz ichige alghan bashqa sahelergimu kéngeytishimiz mumkin.»