түркийә 9 миң чәт әллик террорчини чеградин қоғлап чиқарди

түркийә авази радийоси хәвири: түркийә җумһурийити ички ишлар министирлиқи көчмәнләрни башқуруш идариси тәрипидин бу һәқтә елан қилинған байанатта, бөлгүнчи террорлуқ тәшкилати п й д/п к к вә даеш қатарлиқ террорлуқ тәшкилатлириниң сепигә қетилиш үчүн кәлгән чәт әллик террорчиларни чеградин қоғлап чиқириш паалийәтлириниң үзлүксиз давамлишиватқанлиқи билдүрүлди.

байанатта, 2011 – йили башланған сүрийә ички урушидин буйан, охшимиған 102 дөләттин 9 миң чәт әллик террорчиниң чеградин қоғлап чиқирилғанлиқи қәйт қилинди.

чеградин қоғлап чиқирилған чәт әллик террорчиларниң дөләт тәвәлики тәкшүрүлгәндә, йавропа иттипақи дөләтлириниң биринчи орунда туридиғанлиқи  әскәртилгән байанатта, бу һәқтә давамлишиватқан паалийәтләр даирисидә, 2011 – йилдин буйан америка пуқраси 59, йавропа иттипақиға әза дөләтләрниң пуқраси болған 1109 чәт әллик террорчиниң өз дөләтлиригә қайутуруветилгәнлики тәкитләнди.

байанатта, 2019-йили йавропа иттипақидики 12 дөләттин 126, 2020-йили йавропа иттипақидики 8 дөләттин 95, 2021-йили йавропа иттипақидики 8 дөләттин 69 чәт әллик террорчиниң чеградин қоғлап чиқирилғанлиқи оттуриға қойулди.

бу йил 7 ай ичидә йавропа иттипақидики 6 дөләттин кәлгән 20 чәт әллик террорчиниң чеградин қоғлап чиқирилғанлиқи тәкитлинип мундақ дейилди: «2019-йилиниң башлиридин буйан үзлүксиз дөлитигә қайтуруветилгән чәт әллик террорчи җәңчиләрдин алдинқи сәккиз дөләт (йавропа иттипақиға әза дөләтләр) фирансийә, германийә, голландийә, белгийә, финландийә, руминийә, шиветсийә вә авистирийәдур.»