ақар: шеһитлиримизниң қанлири йәрдә қалмиди
дөләт мудапиә министири һулуси ақар «пәнҗә – қулуп» һәрбий һәрикити давамида бир тәрәп қилинған террорчилар саниниң 100 дин ашқанлиқини, шеһитларниң қанлириниң йәрдә қалмиғанлиқини ейтти.
түркийә авази радийоси хәвири: министир ақар, чегра линийәсидә хизмәтләрни көздин кәчүргәндә бәргән байанатида, түркийә армийәсиниң ирақниң шималида давамлаштуруватқан «пәнҗә – қулуп» һәрбий һәрикити даирисидә бир ғардикилири билән бирликтә бир тәрәп қилинған террорчилар саниниң 100 дин ашқанлиқини тәкитләп мундақ деди: «қәһриман алаһидә әтрәтлиримиз бир гуруппа террорчини ғарда қоршав астиға алди. террорчилар әтрәтлиримизниң <тәслим болуңлар> чақириқиға оқ чиқириш арқилиқ җаваб қайтуруши нәтиҗисидә, әтрәтлиримиз ғарға бесип кирди. ғардикилири билән бирликтә ‹пәнҗә – қулуп› һәрбий һәрикити давамида бир тәрәп қилинған террорчиларниң сани 100 дин ашти. шеһитлиримизниң қанлирини, йеқин – йоруқлириниң көз йашлирини йәрдә қалдурмидуқ, буниңдин кейинму шундақ қилимиз.»
түнүгүн, «пәнҗә – қулуп» һәрбий һәрикити давамида 5 әскәр шеһит болғаниди.
