токайевниң икки күнлүк түркийә зийарити бүгүн башлиниду

түркийә авази радийоси хәвири: җумһур рәис рәҗәп таййип әрдоған қазақистан пирезиденти токайевни җумһур рәислик мәһкимисидә рәсмий мурасим билән қарши алиду.

әрдоған-токайев учришишида, икки тәрәплик мунасивәтләр һәр җәһәттин муһакимә қилиниду؛ йиғинниң асаслиқ темиси иқтисад болуп, икки дөләт оттурисидики 10 милйард долларлиқ сода миқдари нишаниға йетиш үчүн ташлинидиған қәдәмләргә қарап чиқилиду, сайаһәт, енергийә, сәһийә вә мудапиә санаити қатарлиқ саһәләрдики һәмкарлиқлар нуқтилиқ музакирә қилиниду.

икки рәһбәр район характерлик тәрәққийатлар даирисидә, түрк дөләтлири тәшкилати байриқи астида елип бериливатқан хизмәтләрни музакирә қилиду вә алдимиздики басқучта йақлинидиған йол хәритисигә қарап чиқиду.

рәһбәләр йәнә, 24 – февралдин буйан давамлишиватқан русийә - украина уруши тоғрисидиму пикир алмаштуриду.

әрдоған мәнсәпдишини түркийәниң урушни ахирлаштуруш йолида көрсәткән тиришчанлиқлиридин вақипландуриду.