түркийәдә бу йил үч йерим ичидә 36 миң 344 қанунсиз көчмән назарәткә елинди

түркийә авази радийоси хәвири: ички ишлар министирлиқиниң байанатида, министирлиқниң маслишиши билән җамаәт хәвпсизлик  идариси, жандарма баш қоманданлиқ иштаби вә деңиз саһили муһапизәт әтрити қоманданлиқ иштабиниң мәсулийәт районлирида қанунсиз көчмәнләргә қарши һәрикәтләрниң давамлишиватқанлиқи билдүрүлди.

байанатта, бу даиридә бу йил иҗра қилинған 4 қетимлиқ тинчлиқ бәлгилимилиридин башқа йәнә, тәртиплик вә пиланлиқ һәрикәтләр арқилиқ чәтәлликләрниң йошуруниши мумкин болған ташландуқ җайлар, аммиви көңүл ечиш сорунлири, йүк аптомобил искилатлири, терминаллар, портлар, белиқчиларниң панаһҗайлири, аммиви қатнаш бекәтлири вә чоң бекәтләрниң бир-бирләп тәкшүрүлгәнлики уқтурулди.

байанатта, қанунсиз көчмәнләргә қарши бу йил 3.5 ай ичидә елип берилған тәртиплик һәрикәтләрдә 36 миң 344 чәтәллик өкчмәнниң тутулғанлиқи билдүрүлди.