erdoghan pakistanning yéngi bash ministiri shahbaz sherifni tebriklidi

türkiye awazi radiyosi xewiri: jumhur reis erdoghan  pakistanning yéngi bash ministiri shahbaz sherif bilen téléfonda körüshti.

erdoghan söhbette pakistan parlaméntining ixtiyari dairiside, shahbaz sherifning bash ministirlikke saylanghanliqi munasiwiti bilen tebriklirini yetküzdi.

jumhur reis erdoghan saylam netijisining dost we qérindashlar pakistan xelqi üchün xeyirlik bolushini télidi we türkiyening uzun tarixqa ige dostluq we qérindashliq munasiwiti bolghan pakistandiki weziyetlerni yéqindin közitip kéliwatqanliqini, pakistan xelqining duch kelgen barliq qiyinchiliqlargha we tosalghulargha qarimastin, démokratiye we qanunning üstünlikidin waz kechmigenlikini yene bir qétim namayan qilghanliqini  bildürldi.

jumhur reis erdoghan türkiye bolush süpiti bilen pakistangha qolidin kélidighan her türlük yardemlerni bügünge qeder qilip kelginige oxshash buningdin kéyinmu dawamlashturidighanliqini tekitlidi.