تۈركىيە كراماتورسك شەھىرىدىكى ھۇجۇم توغرىسىدا بايانات ئېلان قىلدى
تۈركىيە ئۇكرائىنانىڭ شەرقىدىكى كراماتورسك شەھىرىدىكى پويىز ئىستانسىسىغا قىلىنغان ھۇجۇم توغرىسىدا بايانات ئېلان قىلىپ، دەرھال ئۇرۇش توختىتىش ۋە ئۇرۇشقا خاتىمە بېرىش توغرۇلۇق چاقىرىقتا بولدى.
تۈركىيە ئاۋازى رادىيوسى خەۋىرى: تۈركىيە تاشقى ئىشلار مىنىستىرلىقى تەرىپىدىن ئېلان قىلىنغان يازما باياناتتا، ئۇكرائىنانىڭ شەرقىدىكى كراماتورسك شەھىرىدىكى پويىز ئىستانسىسىغا راكېتامىيوتلار ئارقىلىق قىلىنغان ھۇجۇم نەتىجىسىدە، تارقاقلاشتۇرۇلۇشىنى كۈتۈۋاتقان ئونلارچە كىشىنىڭ ئۆلۈپ كەتكەنلىكى ۋە يارىلانغانلىقى، ئەنقەرەنىڭ بۇنىڭدىن تولىمۇ ئەپسۇسلىنىدىغانلىقى، بۇ ئېچىنىشلىق ۋەقەنىڭ، پۇقرالارنىڭ بىخەتەر ھالدا تارقاقلاشتۇرۇلۇشىغا كاپالەتلىك قىلىنىشى ئۈچۈن ئىنسانپەرۋەرلىك كارىدورلىرىنىڭ ئېچىلىشىنىڭ قانچىلىك دەرىجىدە مۇھىملىقى ۋە جىددىيلىكىنى ئىسپاتلاپ بەرگەنلىكى تەكىتلىنىپ مۇنداق دېيىلدى: «بۇ مۇناسىۋەت بىلەن، دەرھال ئۇرۇش توختىتىش ۋە ئۇرۇشقا خاتىمە بېرىش توغرىسىدىكى چاقىرىقىمىزنى تەكرارلايمىز.»
مۇناسىۋەتلىك خەۋەرلەر
گىرېتسىيە باش مىنىستىرى كىرىياكوس مىتسوتاكىس ئەتە تۈركىيەگە يېتىپ كېلىدۇ
جۇمھۇر رەئىس رەجەپ تاييىپ ئەردوغان پايتەخت ئەنقەرەدە مىتسوتاكىسنىڭ زىيارىتىنى قوبۇل قىلىدۇ.