erdoghan edebiyat-senetchilerge émbargo yürgüzülgenlikige naraziliq bildürdi

türkiye awazi radiyosi xewiri: jumhur reis rejep tayyip erdoghan adalet we tereqqiyat partiyesining parlaménttiki guruppa yighinida söz qildi.

u ukraina-rusiye urushi üstide toxtilip, mezlumlarni dinigha, yiltizigha, térisining renggige asasen ayriydighan idiyening insaniyet yaki medeniyet bilen héchqandaq alaqisining yoqluqini bildürdi.

u gherb dunyasining rak hüjeyrisige oxshash jemiyetni qaplighan bu irqchiliq késili bilen yüzlishishining shert ikenlikini tekitlidi.

u: «ukrainagha ige chiqmay tashlap qoyulghangha qarshi chiqqandek, rusiye xelqige, edebiyat-senetchilirige, oqughuchilirigha qarshi sérigerning ow owlishini ésige salidighan ijraatlarnimu qobul qilmaymiz. gérmaniyede bir orkéstirning bashliqini rusiye pirézidénti putinning dosti dep xizmitidin toxtitish toghrimu? yene bir terepte, dostowiskiyning eserliri italiyede we yawropaning oxshimighan döletliride cheklendi. bu esirde, künimizde bularni körüsh, bularni bashtin kechürüshla, heqiqetenmu bizdek siyasetchilerni ghezeplendüridu. bu émbargolar özara nepretni téximu kücheytip, yéngi adaletsizliklerni peyda qilip, ukraina xelqining yolluq mudapie kürishige kölengge tashlaydu» dédi.

u türkiyening kirizislargha qarshi birinchi künidin bashlapla temkinlik bilen pirinsipqa asasen wijdaniy meydanini namayan qilghanliqini tekitlidi.

u: «dölitidiki urush we zulumdin qéchip ishikimizge kelgen kishilerning héchbirining tiligha, dinigha we renggige qarimiduq. xelqimiz insanliq imtihanidin yene bir qétim muweppeqiyet bilen ötti» dédi.

u ukraina-rusiye otturisidiki ixtilaplarning urushqa aylanghanliqidin chongqur qayghurghanliqlirini eskertip: «urushta ghelbe qilghan bolmaydu» dédi.