коҗа: һечқандақ шәкилдә тақилиш нийитимиз йоқ
сәһийә министири фаһрәттин коҗа, түркийәниң «ковид – 19» йуқумиға қарши күрәш даирисидә һечқандақ шәкилдә тақилиш нийитиниң йоқлуқини ейтти.
түркийә авази радийоси хәвири: йавропада «ковид – 19» вируси билән йуқумланғучилар саниниң барғансери көпийип кетиши, көплигән дөләтләрни һәрикәткә кәлтүрүп, бирқатар чәклимиләрни қайта йолға қойушиға сәвәб болди.
йол хәритисини өзгәртмигән түркийәдә болса тақилиш чәклимилири йолға қойулмайду, йуқумға қарши туруштики әң үнүмлүк қорал ваксина әмләш болиду.
сәһийә министири фаһрәттин коҗа, түнүгүнки ички кабинет йиғинидин кейин елан қилған байанатида, мундақ деди: «һечқандақ шәкилдә тақилиш нийитимиз йоқ, йеңи басқучта кишилик тәдбирләргә, болупму ваксина әмләшкә интайин әһмийәт бериватимиз, һәммә кишиниң ваксина әмләткүзүшиниң интайин муһимлиқини һәмишә тәкитләп келиватимиз.»
түркийәдә ишләпчиқирилидиған «ковид – 19» йуқуми дориси тоғрилиқму тохталған коҗа, мундақ дәп көрсәтти: «‹ковид – 19› йуқуми дорисини түркийәдә ишләпчиқиришни әң балдур вә бир нәччә мәркәздә тамамлап, дөләткә болған чиқимини әң төвән чәккә чүшүрүп, пуқралиримизни молнупиравир (Molnupiravir) дориси билән һәқсиз тәминләшни нишан қиливатимиз, буму бәк узунға созулуп кәтмәйду.»
مۇناسىۋەتلىك خەۋەرلەر
гиретсийә баш министири кирийакос митсотакис әтә түркийәгә йетип келиду
җумһур рәис рәҗәп таййип әрдоған пайтәхт әнқәрәдә митсотакисниң зийаритини қобул қилиду.
