әрдоған ататүрк күлтүр мәркизиниң ечилишида сөз қилди

түркийә авази радийоси хәвири: әрдоған ататүрк күлтүр мәркизини хизмәткә кириштүрүш мурасимидики сөзиниң бешида иштиракчиларға салам бәрди вә җумһурийәт қурулғанлиқини 98 йиллиқини тәбриклиди.

әрдоған, нәччә миң йиллиқ дөләтләр тизмисиниң бу җуғрапийәдики әң ахирқи һалқиси болған җумһурийәтни һәдийә қилған ғази мустапа камал ататүркни өз ичигә алған  миллий күрәшниң қәһриманлирини сеғиниш ичидә әсләп өтти вә уларға миннәтдарлиқ билдүрди.

җумһурийәтниң 98 – шатлиқ күнидә, өзлириниң дөләтни, җүмлидин истанбулни йеңи бир мәдәнийәт – сәнәт әсиригә игә қилип, хушаллиқ вә иптихарға чүмгәнликини тәкитлиди.

буниңдин 75 йил илгири тақсимда ули қойулған ататүрк күлтүр мәркизиниң узун замандин бери пайдиланғили болмайдиған әһвалға чүшүп қалғанлиқини тилға алған әрдоған, омумий көлими 95 миң квадрат метир келидиған бу қурулушниң икки йерим йилдәк қисқа вақит ичидә пүткүзүлгәнликини қәйт қилди.

өзлириниң йеңи ататүрк мәдәнийәт мәркизи арқилиқ истанбул вә дунйани унтулғусиз мәдәнийәт - сәнәт мулазимити билән тәминләйдиған абидә характерлик бир әсәр йаратқанлиқлириға ишарәт қилған әрдоған: «мән, 1453 – йили истанбул пәтһи қилинғандин буйан бу шәһәргә басқан мөһүрләрниң ахирқи һалқиси, дәп қарайдиған ататүрк күлтүр мәркизи дөлитимизниң мәдәнийәт - сәнәт томури соқидиған бир йәр сүпитидә иншааллаһ әсирләр бойи қәд көтүрүп туриду» деди.