бәшинчи нөвәтлик «т р т дунйа мунбири» тор муһитида чақирилиду
бу йил бәшинчи йилиға қәдәм қойған «т р т дунйа мунбири», 10 – айниң 19-, 20 - күнлири «көчүш вә зиддийәт: 21 – әсирдә чоң истратегийәни чүшиниш» дегән тема астида тор муһитида чақирилиду.
түркийә авази радийоси хәвири: түркийә радийо – телевизийә идариси — т р т байанат елан қилип, дунйаниң алдинқи қатардики сақлиниватқан мәсилилиригә чарә издәш мәқситидә 2017 – йилидин буйан һәр йили ечиливатқан т р т дунйа мунбириниң бу йилму дунйаниң һәр қайси җайлиридики тәтқиқатчилар, иҗтимаий күчләр башқурушидики органлар, мутәпәккурлар, сийасәтчиләр, мутәхәссиләр вә медийа мәнсуплирини өзара учраштуридиғанлиқини уқтурди.
өз кәспидә дунйави шөһрәткә игә илим әрбаблири, 16 бөлүмдин тәркиб тапидиған йиғин җәрйанида, дунйаниң йеқинқи йилларда баш көтүргән сийасий вә иҗтимаий мәсилилири үстидә бәс – муназирә елип бариду.
йиғинда йәнә, дунйави инсаний киризислар, хәлқара хәвпсизлик сийасәтлири, көчүшниң чәк – чегралири вә йәршариви адаләт қатарлиқ пүткүл инсанийәт билән йеқиндин алақиси болған темиларму муһакимә қилиниду.
бу җәрйанда талибанниң афғанистанни қолға киргүзүшидин кейин т р т дунйа мунбиригә «талибанниң қайтип келиши: садир қилинған хаталиқлар вә елинидиған савақлар» намлиқ бир бөлүмлүк бир тема илавә қилинди؛ бу бөлүмдә афғанистанниң нөвәттики вәзийити әтраплиқ шәкилдә оттуриға қойулиду.
5 – нөвәтлик т р т дунйа мунбиригә https://www.trtworldforum.com/trt-world-forum-2021/ адреси арқилиқ тизимлатқили болиду.
