әрдоған әлийев билән телефонлашти

түркийә авази радийоси хәвири: әзәрбәйҗан пирезидент мәһкимисиниң билдүрүшичә, әзәрбәйҗан пирезиденти илһам әлийев җумһур рәис рәҗәп таййип әрдоғанға телефон қилип, түркийәниң охшимиған районлида мәйданға кәлгән дала от апәтлири әснасида һайатидин айрилғанлар үчүн йәнә бир қетим тәзийә билдүргән, дала от апәтлириниң өчүрүлүши вә тақабил турулуши үчүн һәрдаим түркийәниң йенида икәнликлирини ипадилигән.

әлийев, илгири әвәтилгәнлиригә илавә һалда 40 от өчүрүш машинисиниң йолға чиққанлиқини,  бу машиниларниң әтә дала от апәтлири райониға йетип баридиғанлиқини ейтқан. шуниң билән, түркийәдики дала от апәтлиригә қарши күрәш үчүн әзәрбәйҗандин әвәтилгән машиниларниң сани 93 кә йәткән.

түркийәдә 510 әзәрбәйҗанлиқ хадим билән әзәрбәйҗанға аит бир тик учар айропилан, бир от өчүрүш  айропиланиниң дала от апәтлиригә қарши күрәш паалийәтлиригә қатнишиватқанлиқини әскәрткән әлийев, алаһидә тәрбийәләнгән 200 от өчүрүш хадимидин тәшкил тапқан йәнә бир гуруппини түркийәгә әвәтиш тәклипини сунған вә шуниң билән от өчүрүш хадиминиң 710 ға йетидиғанлиқини қәйт қилған.

җумһур рәис рәҗәп таййип әрдоған, тәзийә тиләклири вә түркийәгә бәргән йардәмлири үчүн әзәрбәйҗан пирезиденти илһам әлийевға рәһмәт ейтқан.

әзәрбәйҗанлиқ от өчүрүш хадимлириниң түркийәдики дала от апәтлирини өчүрүш паалийәтлиригә йуқири кәспийлик алаһидиликлирини җари қилдурған һалда чоңқур иштийақ билән қатнишиватқанлиқини әскәрткән җумһур рәис әрдоған, әзәрбәйҗандин әвәтилидиған қошумчә йардәм үчүнму миннәтдарлиқини билдүрүп, бу қоллашниң әзәрбәйҗан билән түркийә оттурисидики қериндашлиқ вә достлуқниң рошән ипадиси икәнликини оттуриға қойған.

әрдоғанға, әрменийә армийәсиниң чеграда елип бериватқан иғвагәрчилики һәққидә мәлумат бәргән әлийев, әзәрбәйҗан армийәсиниң бу хил иғвагәрчиликләргә тегишлик җаваб қайтруғанлиқини байан қилған.

җумһур рәис рәҗәп таййип әрдоған болса, түркийәниң һәрдаим қериндаш дөләт әзәрбәйҗанниң йенида икәнликини тәкитлигән.

телефон сөһбитидә йәнә, қарабағ урушидин кейинки (2020 – йили сентәбир – нойабир) басқуч тоғрилиқму өзара пикир алмаштутурулған.