әрдоған апәт районлирини көздин кәчүрүш үчүн йолға чиқти
җумһур рәис рәҗәп таййип әрдоған дала от апәтлириниң зәрбисигә учриған районларни көздин кәчүрүш үчүн анталйаға қарап йолға чиқти.
1683229
түркийә авази радийоси хәвири: бүгүн қаһраманмарашта бир қатар мурасим вә учришишларни өткүзүши пиланлиниватқан җумһур рәис әрдоған, барлиқ пиланлирини әмәлдин қалдурди.
бүгүн чүштә қисиқлидики өйидин ататүрк айродурумиға кәлгән әрдоған, дала от апәтлириниң зәрбисигә учриған районларни көздин кәчүрүш үчүн анталйаға қарап йолға чиқти.
җумһур рәис әрдоғанниң манавгат йашлар мәркизидә доклат аңлиған вә апәт районини көздин кәчүргәндин кейин мармарисқа бериши күтүлмәктә.
җумһур рәис әрдоған түнүгүн иҗтимаий таратқудики адресида байанат елан қилип, анталйа, муғла, мәрсин, адана вә османийәдики дала от апитиниң тәсиригә учриған җайларниң «омумий турмушқа тәсир көрсәткән апәт райони» елан қилинғанлиқини уқтурғаниди.
