фаһрәттин алтун т р т вә анадолу агнетлиқидин тунис вәзийитини көзитишни тәләп қилди

түркийә авази радийоси хәвири: түркийә җумһур рәислик мәһкимиси учур-алақә идарисиниң башлиқи фаһрәттин алтун түркийәниң дөләт ахбарат органлири болған т р т (түркийә радийо-телевизийә идариси) вә анадолу агентлиқиниң туниста йүз бәргән өзгиришләрни биринчи болуп дунйаға билдүргәнликини әскәртип, тоғра вә ишәнчлик хәвәрләрни т р т ворлд (TRT World) вә анадолу агентлиқидин билгили болидиғанлиқини қәйт қилди.

у твиттерда учур һәмбәһирләп, түркийә җумһурийитиниң һәр даим вә һәр қандақ йәрдә демократийә билән миллий ирадәни қоллайдиғанлиқини тәкитлиди.

өтмүштә, хәлқниң һакимийәтниң сайлам арқилиқ алмашмаслиқи сәвәбидин көп азап-оқубәт чәккәнликини хатирилитип: «бу сәвәбтин, туниста йүз бәргән өзгиришләрдин әндишә қиливатимиз. демократийәниң балдуррақ қайтидин тәсис қилиниши керәкликигә ишинимиз» деди.