түркийә б д т хәвпсизлик кеңишиниң җилвәгөзү чегра еғизи қарарини мәмнунлуқ билән қарши алди

түркийә авази радийоси хәвири: түркийә бу қарарни мәмнунлуқ билән қарши алидиғанлиқини елан қилди.

ташқи ишлар министирлиқиниң йазма байанатида, б д т ниң 12 ай үчүн мақуллиған қарариниң дәсләпки 6 айдин кейин, б д т баш катипиниң доклатиға асасән 6 ай қошумчә қилинип, йолға қойулидиғанлиқи билдүрүлди.

җилвәгөзү чегра еғизиниң муһимлиқини тәкитләнгән байанатта мундақ йәнә дейилди:

«мәзкур чегра еғизимиз арқилиқ әвәтилгән б д т йардими сүрийәдики инсанпәрвәрлик кризисиға үнүмлүк тақабил турушниң давами шундақла районниң муқимлиқи вә бихәтәрлики үчүн интайин муһим. шуңлашқа сүрийә хәлқиниң еһтийаҗини қандуруш үчүн дөлитимиз арқилиқ паалийәт қиливатқан б д т чегра һалқиған инсанпәрвәрлик йардәм механизминиң давамлишишини қарши алимиз. б д т хәвпсизлик кеңиши вә нуқтилиқ хәлқаралиқ актийорларниң иҗабий вә йараштуруш позитсийәсиниң, болупму сийасий һәл қилиш мусаписини вә сүрийә кризисигә нисбәтән мәңгүлүк һәл қилиш чариси тепишни мәқсәт қилған хәлқаралиқ тиришчанлиқлар нуқтисидин оттуриға қойушини үмид қилимиз»

байанатта йәнә: «түркийә сүрийәдики инсанпәрвәрлик кризисқа қарши күрәшкә қаратқан күчлүк  йардимини давамлаштуриду. уруш тохтитишни қоғдаш вә сийасий һәл қилиш мусаписини илгири сүрүшкә давамлиқ актип төһпә қошиду» дейилди.

б д т хәвпсизлик кеңишидә чақирилған йепиқ йиғинда, сүрийәниң ғәрбий шималидики 5 милйон кишигә инсанпәрвәрлик йардәм йәткүзүштә интайин муһим болған җилвәгөзү чегра еғизиниң йәнә бир йил очуқ тутулиши бирдәк аваз билән қобул қилинған иди.

2020-йилғичә очуқ болған 4 чегра еғизи ичидә җилвәгөзү чегра еғизи бүгүнки күндиму бирдин бир очуқ чегра еғизи болуш сүпити билән зор әһмийәткә игә.