түркийә хәлқи исраилийәниң мәсҗиди әқсаға қилған һуҗумлириға наразилиқ билдүрди

түркийә авази радийоси хәвири: түркийә миқйасида исраилийәниң шәрқий қуддустики пәләстинликләргә қилған һуҗумлириға вә пәләстинликләрниң шәрқий қуддусниң шәйх җәрраһ мәһәллисидики өйлиридин мәҗбурий һәйдәп чиқирилиш хәвпигә дуч келишигә қарши наразилиқ билдүрүлди.

анадолу йашлар җәмийити истанбул шөбисиниң истанбулдики исраилийә консулханиси алдида өткүзгән намайиши җәрйанида қуран кәрим тилавәт қилинди. түркийә вә пәләстин байрақлирини көтүрүвелишқан намайишчилар «җенимиз, қенимиз саңа пида болсун, әй әқса», «йоқалсун исраилийә» дәп шоарларни товлиди.

анадолу йашлар җәмийити истанбул шөбиси башлиқи йунус гәнч намайиш җәрйанида сөз қилип, мәсҗиди әқсаниң мусулманларниң қизил сизиқи икәнликини оттуриға қойди.

түркийә кадирлар уйушмисиниң әлази шөбисиму исраилийәниң мәсҗиди әқсаға қилған һуҗумлириға наразилиқ билдүрүп намайиш өткүзди.

малатйадиму миңларчә киши аптомобил карвини шәкилләндүрүп, исраилийәниң қуддус вә мәсҗиди әқсадики һуҗумлириға наразилиқ билдүрди.