калин: җо байдинниң байанатиға җаваб қайтурулиду
җумһур рәислик мәһкимиси байанатчиси ибраһим калин америка пирезиденти җо байдинниң 1915-йил вәқәлирини «ирқий қирғинчилиқ» дәп атиғанлиқиға, түркийәниң җаваб қайтуридиғанлиқини билдүрди.
түркийә авази радийоси хәвири: җумһур рәислик мәһкимиси байанатчиси ибраһим калин ройтерс агентлиқиниң зийаритини қобул қилди.
у: «җо байдинниң бу қорқунч байанати интайин чоң тәләйсизлик вә адил болмиған байанат. биз пүтүнләй рәт қилимиз вә әйибләймиз. йәнә келип, байанат тарихий һәқиқәтләргә уйғун әмәс вә қануни асаси йоқ» деди.
у түркийәниң мәзкур байанатқа вақтида җаваб қайтуридиғанлиқини әскәртип: «алдимиздики күн вә айларда охшимиған шәкил вә һәр хил дәриҗиләрдә җаваб қайтурулиду» деди.
у байанатниң сийасий җәһәттиму мәсулийәтсиз байанат икәнликини тәкитлиди. у мундақ деди:
«сийасий җәһәттин қариғинимизда, бу мәсулийәтсиз вә иҗабийлиққа игә болмиған байанат. қарабағ әркинликкә игә қилинғандин кейин (2020-йили өктәбир) әрменийә билән нормаллишиш паалийәтлирини өз ичигә алған, түркийә ичидә бар болған һечқандақ мусапиға пайдиси йоқ. әмма, түркийә-америка мунасивәтлиригә тәсир көрситиду.»
у җумһур рәис рәҗәп таййип әрдоғанниң 2005-йили ортақ комитетниң қурулушини вә бу комитетниң мәсилини тәкшүрүши тоғрисида тәклип сунғанлиқини хатириләтти.
у әрменийәниң мәзкур чақириққа, өзлириниң дәвалирини йоққа чиқиридиғанлиқини билидиғанлиқи үчүн җаваб бәрмигәнликини қәйт қилди вә җо байдинниң байанатиға җаваб қайтурушниң давамлишидиғанлиқини билдүрди.