әрдоған синҗар һәрбий һәрикити тоғрулуқ сигнал бәрди
җумһур рәис рәҗәп таййип әрдоған бөлгүнчи террорлуқ тәшкилати п к к ға қарши ирақниң синҗар райониға һәрбий һәрикәт елип берилиш тоғрулуқ сигнал бәрди.
түркийә авази радийоси хәвири: җумһур рәис әрдоған, истанбулда җүмә намизидин кейин, мухбирларниң «синҗарда п к к ға қарши һәрбий һәрикәт елип бериламду?» тәриқисидики соалиға җаваб берип, мундақ деди: «бу һәрбий һәрикәт елан қилинмайду, һәрдаим мениң бир сөзүм бардур: бир кечиси туйуқсиз (һәрбий һәрикәт арқилиқ) келишимиз мумкин.»
«ковид – 19» йуқумиға қарши хитайдин кәлтүрүлгән ваксинаниң иккинчи түркүминиң мушу һәптиниң ахирлириғичә келиш еһтималиниң барлиқини әскәрткән җумһур рәис әрдоған, мундақ деди: «иккинчи түркүмдики ваксинамиз хитай тәрәптин тәстиқланди, мушу һәптиниң ахирлириғичә келиш еһтимали йуқири.»
муддәттин бурун сайлам өткүзүлүш дәвалириға җаваб бәргән әрдоған, 2023 – йили ийун ейидин илгири сайлам өткүзүлмәйдиғанлиқиниму сөзлиригә илавә қилди.
