ئاقار تۈركىيە ئارمىيەلىرى قوماندانلىرى بىلەن بىرلىكتە باكۇدا زىيارەتتە بولدى

تۈركىيە ئاۋازى رادىيوسى خەۋىرى: مىنىستىر ئاقار بىلەن قوماندانلار، تۈركىيە بىلەن رۇسىيە ئوتتۇرىسىدا تەشكىل قىلىنىدىغان ئورتاق مەركەزدە ۋەزىپە ئۆتەيدىغان تۈرك ئەسكەرلىرى بىلەن ئەزەربەيجاننىڭ پايتەختى باكۇدا بىر يەرگە جەم بولدى.

ئاقار، بۇ يەردە قىلغان سۆزىدە، ئەزەربەيجان – ئەرمېنىيە ئوتتۇرىسىدىكى ئۇرۇش توختىتىش كېلىشىمى ھەققىدە توختىلىپ مۇنداق دېدى: «ئورتاق مەركەز ئۇرۇش توختىتىش كېلىشىمىنىڭ ئىجرا قىلىنىش ئەھۋالىنى كۆزىتىدۇ. ۋەزىپىمىزنى ئورۇنداش ئۈچۈن سەپداشلىرىمىز  تەيياردۇر. ئورتاق مەركەز خىزمەت ئىشلەشكە باشلىغاندىن كېيىن، پائالىيەتلىرىمىز قويۇقلىشىدۇ، ئەزەربەيجانلىق قېرىنداشلىرىمىزنىڭ ھەق – ھوقۇقلىرىنى قوغداش ۋەزىپىسىنى ئادا قىلىمىز.»