сойлу түркийәдики  п к к террорчилириниң сани һәққидә мәлумат бәрди

түркийә авази радийоси хәвири: сойлу, бир йиғинда қилған сөзидә, пүткүл инсанийәтниң бу йилни дунйани оңтәй – тоңтәй қиливәткән «вухән вируси» йуқуми, йәр тәврәш вә су апәтлири билән өткүзгәнликини, түркийәниң бу қийинчилиқларниң һечбиридә вәйран болмиғанлиқи вә ирадисини йоқатмиғанлиқини, җүмлидин, түркийәниң нөвәттә терроризмға қарши күрәштә мисли көрүлүп бақмиған дәриҗидә наһайити зор мувәппәқийәтләрни қолға кәлтүрүватқанлиқини тәкитләп мундақ деди: «пәқәт йиллиқ иштирак қилиш нисбитила 5 миң 558 гә йәткән бөлгүнчи террорлуқ тәшкилати п к к ниң бүгүнки күндики түркийәдики мәнсуплириниң сани 320 динму аздур.»

түркийәниң тор бихәтәрликидиму дунйа бойичә әң алдинқи қатарда туридиған дөләтләрдин бири икәнликини қәйт қилған сойлу, фәтһуллаһчи террорлуқ тәшкилати унсурлириниң 2016 – йилқи 15 – ийул һәрбий исйан урунушидин илгири йилиға 45 миң дигитал материйал тәкшүрүлидиғанлиқини, бүгүнки күнгә кәлгәндә бу рәқәмниң 350 миңға йәткәнликини тәкитлиди.