әрдоған: байдин билән бәзи мәсилиләрни сөһбәтлишимән

түркийә авази радийоси хәвири: җумһур рәис рәҗәп таййип әрдоған әзәрбәйҗанға қарап йолға чиқиштин бурун байанат елан қилип, түркийә-америка мунасивәтлири үстидә тохталди.

у америкада пирезидентлиққа сайланған байдинниң натонуш әмәсликини, сабиқ пирезидент барак обама дәвридин тартип уни йахши тонуйдиғанлиқини билдүрди.

у күнимиздә нато ичидә америкадин қалсила алдинқи бәшниң қатаридин орун алған дөләтләрниң бириниң түркийә икәнликини әскәртти. у мундақ деди:

«бу нуқтини өзлириму даим етирап қилиду. наһайити әпсуски, бизниң қорал-йарағ сетивелишимизға тутқан позитсийәсини йахши дәп қаримаймиз. болупму, һазирниң өзидә сүрийәниң шималида, фиратниң шәрқидики мәйданини тоғра дәп қаримаймиз. мән һазир елан қилидиған байанатлиримизни балдур дәп қараймән. алди билән, байдин вәзиписини тапшурувалсун, андин униң билән олтуруп бәзи мәсилиләрни сөһбәтлишимиз.»

у хәлқара сийасәттә тоқунушниң йоқлуқини тәкитләп: «дипломатийәдә бундақ мәсилиләрдә музакирә қилиш вә өзара пүтүшүш арқилиқ йол тапимиз. бизниң бу мусапини сағлам шәкилдә елип маңалайдиғанлиқимизға ишинимән» деди.