chelik mayk pompéyoni eyiblidi
adalet we tereqqiyat partiyesi bayanatchisi ömer chelik, amérika tashqi ishlar ministiri mayk pompéyoning iyordan deryasining gherbiy qirghiqidiki qanunsiz ahaliler rayonini ékskursiye qilishigha mesuliyetsizlik we qanunsizlik dep baha berdi.
türkiye awazi radiyosi xewiri: ömer chelik tiwittér adrési arqiliq bayanat bérip, mayk pompéyoning, golan we quddus qararliri shundaqla pelestin mesilisini ikki döletlik hel qilish pilanining ulini kolighanliqini bildürüp, bu xil qilmishlarning mesuliyetsizlik bilen ottura sherqte tinchliqi we muqimliqini xewpke ittiriwatqanliqini, kirizisni chongqurlashturuwatqanliqini qeyt qildi.
chelik, b d t xewpsizlik kéngishi we b d t omumiy kéngishining pelestinke munasiwetlik qararlirida ching turidighanliqlirini, xelqara jemiyetnimu bu qararlargha sezgürlük bilen qarap, bu heqte küchlük pozitsiye bildürüshke chaqiridighanliqlirini bildürüp, «naheqchilik we qanunsizliqqa qarshi ortaq pozitsiye bildürüsh we hemkarliq namayan qilish kérek. pompéyoning qanunsiz ahaliler rayonlirini ziyaret qilishi mesuliyetsizlik we qanunsizliqtur. jumhur reisimiz (rejep tayyip erdoghan)ning pelestin dewasida namayan qiliwatqan heqliq we qetiy siyasiy küresh dawamlishiwatidu. her türlük qanunsizliqqa qarshi herqandaq ehwalda pelestinlik qérindashlirimizning yénida turimiz» dédi.
مۇناسىۋەتلىك خەۋەرلەر
türkiye térrorchilargha zerbe bérishni dawamlashturmaqta
türkiye térrorluqqa qarshi turush kürishini qetiy irade bilen üzlüksiz dawamlashturmaqta.
