qibrista ikki xelqning iradisini asas qilish kérek

türkiye awazi radiyosi xewiri: türkiye tashqi ishlar ministirliqi bayanatchisi hami aksoy, «qibris türklirining mewjutluqini we heq-hoquqlirini yoq hésablap könüp qalghan yawropa ittipaqining emdilikte qibris türk xelqining mesilini hel qilish iradisini ret qilishqa jüret qilghanliqi» ni bildürdi.

u yawropa ittipaqi tashqi munasiwetler we xewpsizlik siyasiti aliy wekili joséf borrél (Josep Borrell) ning qibris mesilisige munasiwetlik élan qilghan bayanati üstide toxtilip, qibris mesilisi terepdarlirining éniq bolghanliqini, adil, uzun muddetlik we dawamlashurghili bolidighan hel qilish charisining, peqet aralning ortaq igiliri bolghan ikki xelqning iradisini asas qilghan halda mumkin bolidighanliqini tekitldi.

u qibris türk xelqini héchqandaq bayanatlirida tilgha almighan, 2004-yili b d t ning hel qilish pilanini ret qilghan we jenubiy qibris rum hakimiyitini ezaliqqa qobul qilghan, qibris türk xelqige bergen héchqandaq wediliride turmighan yawropa ittipaqining, mesilini hel qilishqa küch chiqiridighanliqigha ishenmeydighanliqlirini eskertip, qibrista ikki xelq, ikki xelqqe wekillik qilidighan fédératsiye örnikining 50 yildin artuq waqittin buyan sinaq qilinghanliqini, emma rum terepning qibris türk xelqini barawer körmesliki we parawanliqni bölüshüshni xalimasliqi sewebidin netijige érishmigenlikini qeyt qildi.

u mundaq dédi:

«yawropa ittipaqi qibris mesilisini hel qilishqa hesse qoshushni xalisa, aldi bilen qibris türk xelqining mewjutluqini we iradisini nezerge élishi we 2004-yili bergen wediside turushi lazim.»