«qanuni» namliq burghilash paraxoti zonguldaq déngiz tewelikige yétip bardi

türkiye awazi radiyosi xewiri: qaradéngizda burghilash paaliyetlirini élip bérish üchün istanbuldiki heyderpasha portidin tünügün qaradéngizgha uzitip qoyulghan «qanuni» namliq burghilash paraxoti, zonguldaq wilayitige qarashliq filyos rayoni déngiz tewelikige yétip bardi.

türkiye néfit shirkitining uzunluqi 227 métir, égizliki 114 métir, kengliki 42 métir kélidighan we 61 ming 316 ingliz tonniliq yük toshush iqtidarigha ige «qanuni» namliq burghilash paraxotining, filyos portida,  munar qurashturush, déngizda yol bashlash siniqi élip bérish, burghilash üskünilirini qurashturush we quduq asti bixeterlik sistémisini rémunt qilish xizmetliri tamamlinidu.

«qanuni» namliq burghilash paraxoti, 2021 – yilining deslepki aylirida, «fatih» namliq paraxot bilen birlikte, qaradéngizda tunji néfit burghilash paaliyetlirini bashlaydu.