«‹TRT World› мунбири» йиғини 1 – 2 – декабир күнлири чақирилиду

түркийә авази радийоси хәвири: түркийә радийо – телевизийә оргини (TRT) ниң хәлқаралиқ телевизийә қанили «TRT World» тәрипидин бу һәқтә елан қилинған байанатта әскәртилишичә, дунйаниң әң муһим йәр шари характерлик мәсилилиригә чарә тепиш йолида издиниш үчүн 2017 – йилдин буйан көплигән дөләтләрдин аммиви тәшкилатларни, дунйаға даңлиқ мутәпәккурларни, сийасийонларни, район мутәхәссислирини вә журналистларни бир йәргә җәм қилип келиватқан мунбәрниң бу йилқи темилири төвәндикиләрдин тәшкил тапидикән:

  «‹вухән вируси› йуқумидин кейинки дунйада хәлқаралиқ түзүм вә өзгиришчан динамикилар», «<вухән вируси> мәзгилдә көп қутуплуқ дунйа: йәр шари характерлик һәмкарлиқниң келәчики», «‹вухән вируси› йуқуми басқучида билим – учур алмаштуруш вә ахбарат васитилириниң роли», «йәр шари характерлик сағламлиқ мәсилилири вә ортақ чарә – тәдбирлири», таллаш характерлик иқтисадий моделлар һәққидә қайта ойлиниш: ‹вухән вируси› йуқумидин кейинки мәзгилдә капитализимниң келәчики», «сода вә маарип саһәсиниң келәчики: ‹вухән вируси› йуқумидин кейинки басқучқа тәййарлиқ қилиш»,«‹вухән вируси› йуқуми мәзгилидә инсанпәрвәрлик йардәм.»

«‹TRT World› мунбири» ниң, «вухән вируси» йуқуми сәвәбидин бу йил тор муһити астида чақирилидиған йиғинида, уда 2 күн бойичә 20 дин артуқ олтуруш ишқа ашурулидикән.

2020 – йиллиқ «‹TRT World› мунбири» йиғини үчүн « www.trtworldforum.com» интернет адресидин тизимға алдурушқа болидикән.